2019 馬來西亞之旅

第1日: 狄臣港

公司團隊一年一度嘅旅行, 我哋今朝係乘搭馬航嚟到馬來西亞, 班機遲咗成個鐘頭至起飛, 飛到中間有氣流,時不時都要搖晃晃咁, 我哋團隊有個小朋友同行, 佢就不知幾開心,好似去咗冒險樂園咁, 啲大人就驚到震唔敢瞓, 終於坐咗幾個鐘頭都平安到步,感恩!

第一晚我哋嚟到呢間好似水鄉咁嘅渡假屋, 每個房間都有個小泳池, 可惜今次我個同房病咗唔落得水, 所以個泳池係要嚟欣賞, 週邊環境都好靚,所有渡假屋都係喺水上面嘅, 係一個好特別嘅感覺,有D似威尼斯, 之前未住過呢類型嘅屋。

呢度天氣唔係好穩定,一時好曬一時又會落雨,但落一陣就會停雨, 要時時帶住把雨傘出街。 

今晚係晚餐係海鮮餐, 七餸一湯白飯任裝。

第2日: 馬六甲

琴晚因為 dinner party 唱 K,所以返到酒店已經差不多十二點,沖完涼都要成一點先瞓覺, 點知瞓到半夜警鐘響咗好耐, 於是忍唔住去門窿度裝下外面嘅環境, 走廊一啲人聲都冇, 即係冇事啦所以再瞓返,望下個鐘只係四點半所以再瞓,  六點半就 morning call 啦, 因為八點鐘要出發去馬六甲。

看見有時間, 就在酒店四周逛了一會。

然後去餐廳吃早餐。早餐係好豐富嘅酒店自助早餐。

乘車抵馬六甲後, 十點鐘出發去蝴蝶園, 其實主要唔係睇蝴蝶㗎, 嗰度有昆蟲雀鳥, 同埋食點心水果。

跟住就乘車去佢哋嘅原居民村, 同埋睇吓佢哋D舊屋,仲有人住緊,只係開放其中一户比遊客參觀,再去睇一棵橡膠樹, 係淨返唯一 一棵橡膠樹,仲有啲橡膠汁流出嚟嘅。

我哋下午去咗聖保祿教堂, 係一個歷史嘅建築物, 我上一次嚟呢個地方就係1986年同老公仔嚟嘅,事隔咁多年舊地重遊, 見到教堂已經粉飾一番, 當年嘅三輪車係冇佈置嘅好簡單,而今日嘅三輪車已經成為遊客嘅遊覽交通工具, 而且有卡通公仔裝飾,色彩繽紛兼有音樂。

我哋住嗰間酒店佢呢個教堂其實係一街之隔, 參觀完教堂就坐三輪車周圍遊覽, 然後就去酒店 check in。

第3日: 吉隆坡

酒店有豐富嘅自助早餐, 但係因為要坐兩個幾鐘頭車所以唔敢食得太多。

兩個幾鐘頭後, 我哋就會去到吉隆坡,由馬六甲嘅西南面出發, 吉隆坡係馬來西亞嘅首都,今晚就會喺吉隆坡度住啦。

第一站去到橡膠嘅製造工場參觀, 呢度斬咗啲橡膠樹作為標本,愛嚟畀遊客睇嘅同埋影吓相, 佢哋嘅產品就係做床褥同埋枕頭, 只係做內銷冇做出口㗎,所以 只可以喺度集體團購, 現場仲有床褥枕頭可以瞓喺度試嘅。

食咗個午飯之後就去七彩階梯 (黑風洞),都係一啲佛教朝聖嘅地方,睇下嗰啲特色, 搵間舖頭飲咗個椰青係五蚊馬幣, 食咗塊紙巾薄餅, 亦都係五蚊馬幣一塊。

之後上車去咗一間賣豬肉乾雞肉乾手信之類嘅舖頭, 試食咗一輪覺得冇乜特別, 又唔想拎重嘢, 而且香港都大把呢一類嘅零食, 之後就返車去酒店沖番個靚涼先再出去食晚飯。

晚上九點先至去食晚飯,晚餐係食地度嘅馬拉菜,一行八人叫唔同嘅款式一齊食,食完 都已經十點鐘呀,而且人哋一定要收市, 商場都陸陸續續閂門, 我哋唯有返酒店休息!

第4日: 天空之鏡

今日嘅主題係天空之鏡,嗰度主要係海灘坐船仔去 影相嘅, 影嗰啲相呢係會有好特別嘅效果有倒影,效果就視乎個別自己拍啦!不過,大會有專業人士幫我哋拍,效果當然好得多啦,比真實仲靚好多添。

190222114958

食完海鮮午餐,跟住去漁米之鄉,熱浪沙灘,話說係電影單戀雙城的拍攝場景,有許願樹,有廢柴樹屋,映吓相就上返車。

第5日: 吉隆坡、回程

早上食咗個自助早餐, 八點半上車, 第一站去朱古力廠買完手信, 就嚟㗎啡紀念館,咖啡館有咖啡買,仲有啲好特別嘅茶, 有隻叫做沉香茶, 佢有幫助排便同幫助睡眠質素嘅作用。

中午食團餐,飲肉骨茶,食完就去廣場影吓相,行吓outlet, 都差不多去機場準備離境。

去到機場有D時間tea吓,差不多晚上七點半上機返香港,结束佐五日嘅馬來西亞之旅,聽日要正常工作啦!

Leave a Reply

Your email address will not be published. Required fields are marked *